ИСЦЕЛЯЮЩЕЕ СЛОВО:
МОЛИТВЫ КО ГОСПОДУ ИИСУСУ ХРИСТУ, ЕГО ПРЕЧИСТОЙ МАТЕРИ И СВЯТЫМ, ИМЕЮЩИМ ОТ НЕГО БЛАГОДАТЬ ИСЦЕЛЕНИЯ
.

О ПРОЗРЕНИИ СЛЕПЫХ ОЧЕЙ

«МОЛИТВА ПРЕД ИКОНОЮ ПРЕСВЯТЫЯ БОГОРОДИЦЫ «КАЗАНСКОЮ»»
«МОЛИТВА СВ. ВЕЛИКОМУЧЕНИКУ ДИМИТРИЮ МИРОТОЧИВОМУ, СОЛУНСКОМУ»
«МОЛИТВА БЛАЖЕННОМУ ВАСИЛИЮ, ХРИСТА РАДИ ЮРОДИВОМУ, МОСКОВСКОМУ ЧУДОТВОРЦУ»
«МОЛИТВА СВЯТОМУ БЛАГОВЕРНОМУ ЦАРЕВИЧУ ДИМИТРИЮ»
«МОЛИТВА СВЯТИТЕЛЮ АЛЕКСИЮ, МИТРОПОЛИТУ МОСКОВСКОМУ И ВСЕЯ РОССИИ»
«МОЛИТВЫ ПРЕД ИКОНОЮ БОЖИЕЙ МАТЕРИ «ВЗЫСКАНИЕ ПОГИБШИХ»»
«МОЛИТВА ИКОНЕ БОЖИЕЙ МАТЕРИ «СКОРОПОСЛУШНИЦА»»

ОБ ИСЦЕЛЕНИИ БОЛЕЗНИ ОЧНЫЯ (ГЛАЗ)

«МОЛИТВА СВ. МУЧЕНИКУ МИНЕ ЕГИПЕТСКОМУ»
«МОЛИТВА ПРАВЕДНОМУ СИМЕОНУ ВЕРХОТУРСКОМУ»
«МОЛИТВА СВЯТИТЕЛЮ НИКИТЕ, ЕПИСКОПУ НОВГОРОДСКОМУ»
«МОЛИТВА СВЯТОМУ ВЕЛИКОМУЧЕНИКУ И ЦЕЛИТЕЛЮ ПАНТЕЛЕИМОНУ»

ОТ ЗУБНОЙ БОЛИ

«МОЛИТВА СВЯЩЕННОМУЧЕНИКУ АНТИПЕ, ЕПИСКОПУ ПЕРГАМСКОМУ»
«МОЛИТВА СВЯТОМУ ИОНУ, МИТРОПОЛИТУ МОСКОВСКОМУ И ВСЕЙ РОССИИ ЧУДОТВОРЦУ»

ОТ ГОЛОВНОЙ БОЛИ

«МОЛИТВА СВЯТОМУ ИОАННУ ПРЕДТЕЧЕ»

ОТ НЕДУГА РАССЛАБЛЕНИЯ

«МОЛИТВА ПРЕД ИКОНОЮ БОЖИЕЙ МАТЕРИ «УТОЛИ МОЯ ПЕЧАЛИ»»
«МОЛИТВА ПРЕПОДОБНОМУ НИКИТЕ СТОЛПНИКУ, ПЕРЕЯСЛАВСКОМУ ЧУДОТВОРЦУ»
«МОЛИТВА ПРЕПОДОБНОМУ АЛЕКСАНДРУ СВИРСКОМУ»

ОТ РАЗНЫХ НЕДУГОВ И БОЛЕЗНЕЙ

«МОЛИТВА ПРЕД ИКОНОЮ ПРЕСВЯТЫЯ БОГОРОДИЦЫ, ИМЕНУЕМОЮ «ВСЕХ СКОРБЯЩИХ РАДОСТЬ»»
«МОЛИТВА ИКОНЕ БОЖИЕЙ МАТЕРИ «СПОРУЧНИЦА ГРЕШНЫХ»»

ОТ РАЗНЫХ БЕД И НАПАСТЕЙ

«МОЛИТВА СВЯТИТЕЛЮ НИКОЛАЮ, АРХИЕПИСКОПУ МИР ЛИКИЙСКИХ»
«МОЛИТВА АНГЕЛУ-ХРАНИТЕЛЮ»

О СОХРАНЕНИИ ОТ ВНЕЗАПНОЙ ИЛИ СКОРОПОСТИЖНОЙ СМЕРТИ

«МОЛИТВА СВЯТЕЙ ВЕЛИКОМУЧЕНИЦЕ ВАРВАРЕ»
«МОЛИТВА СВ. СВЯЩЕННОМУЧЕНИКУ САДОКУ, ЕПИСКОПУ ПЕРСИДСКОМУ»

ОБ ИСЦЕЛЕНИИ ОТ ПЬЯНСТВА

«МОЛИТВА ПРЕД ИКОНОЮ ПРЕСВЯТЫЯ БОГОРОДИЦЫ, ИМЕНУЕМОЮ «НЕУПИВАЕМАЯ ЧАША»»
«МОЛИТВА СВЯТОМУ МУЧЕНИКУ ВОНИФАТИЮ»
«МОЛИТВА СВЯТИТЕЛЮ ВОНИФАТИЮ МИЛОСТИВОМУ»
«МОЛИТВА ПРАВЕДНАГО ИОАННА КРОНШТАДТСКАГО»
«МОЛИТВА ПРЕП. МОИСЕЮ МУРИНУ»

О МЛАДЕНЦЕ НЕСПЯЩЕМ

«МОЛИТВА СВЯТЫМ СЕДМИ ОТРОКАМ, ИЖЕ ВО ЕФЕСЕ: МАКСИМИЛИАНУ, ИАМВЛИХУ, МАРТИНИАНУ, ИОАННУ, ДИОНИСИЮ, ЕКСАКУСТОДИАНУ И АНТОНИНУ»

ОТ РАЗНЫХ ДЕТСКИХ БОЛЕЗНЕЙ

«МОЛИТВА СВЯТИТЕЛЮ ИУЛИАНУ КЕНОМАНИЙСКОМУ»
«МОЛИТВА СВ. ВЕЛИКОМУЧЕНИЦЕ ПАРАСКЕВЕ»
«МОЛИТВА СВ. ПРАВЕДНОМУ СИМЕОНУ БОГОПРИИМЦУ»

ОТ ЛИХОРАДКИ И ГОРЯЧКИ

«МОЛИТВА ПРЕПОДОБНОМУ МАРОНУ ПУСТЫННИКУ»
«МОЛИТВА ПРЕПОДОБНОМУ ВАСИЛИЮ НОВОМУ»

ОБ ИСЦЕЛЕНИИ ОТ ГРЫЖИ

«МОЛИТВА СВ. ПРАВЕДНОМУ АРТЕМИЮ ВЕРКОЛЬСКОМУ»

ОТ БОЛЕЙ В ПОЯСНИЦЕ

«МОЛИТВА ПРЕПОДОБНОМУ СЕРАФИМУ, САРОВСКОМУ ЧУДОТВОРЦУ»

В СКОРБЯХ И НАПАСТЯХ

«МОЛИТВА СВЯТОМУ АРХАНГЕЛУ МИХАИЛУ»
«МОЛИТВА СВЯТОМУ ВЕЛИКОМУЧЕНИКУ ГЕОРГИЮ ПОБЕДОНОСЦУ»

ОБ ИСЦЕЛЕНИИ БОЛЕЗНИ ГОРЛА

«МОЛИТВА СВЯТОМУ СВЯЩЕННОМУЧЕНИКУ ВЛАСИЮ, ЕПИСКОПУ СЕВАСТИЙСКОМУ»

ОБ ИСЦЕЛЕНИИ ОТ ВОДЯНКИ

«МОЛИТВА ПРЕП. ИПАТИЮ, ИГУМЕНУ РУФИАНСКОМУ»

В ОТЧАЯНИИ

«МОЛИТВА ПРЕПОДОБНОМУ СИЛУАНУ АФОНСКОМУ»




ВСЕ СТАТЬИ


НА ГЛАВНУЮ



О ПРОЗРЕНИИ СЛЕПЫХ ОЧЕЙ

В НАЧАЛО

МОЛИТВА ПРЕД ИКОНОЮ
ПРЕСВЯТЫЯ БОГОРОДИЦЫ «КАЗАНСКОЮ»

   О пресвятая Госпоже, Владычице Богородице! Со страхом, верою и любовию пред честною (и чудотворною) иконою Твоею припадающе, молим тя: не отврати лица Твоего от прибегающих к Тебе: умоли, милосердая Мати, Сына Твоего и Бога нашего, Господа Иисуса Христа, да сохранит мирну страну нашу, церковь же Свою святую непоколебиму да соблюдет, и от неверия, ересей и раскола да избавит: не имамы бо иныя помощи, не имамы иныя надежды, разве Тебе, пречистая Дево: Ты еси всесильная христиан помощница и заступница: избави же и всех, с верою тебе молящихся, от падения греховных, от навета злых человек, от всяких искушений, скорбей, болезней, бед и от внезапныя смерти: даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси благодарное воспевающе величия и милости Твоя, являемыя над нами зде на земли, сподобимся и небеснаго царствия, и тамо со всеми святыми прославим пречестное и великолепое имя Отца и Сына и Святаго Духа во веки веков.


В НАЧАЛО

МОЛИТВА СВ. ВЕЛИКОМУЧЕНИКУ ДИМИТРИЮ МИРОТОЧИВОМУ, СОЛУНСКОМУ

   Святый и славный великомучениче Христов Димитрие, скорый помощниче и теплый заступниче с верою притекающих к тебе! Предстоя со дерзновением небесному Царю, испроси у Него прощение согрешений наших, и о еже избавитися нам от всегубительныя язвы, труса, потопа, огня, меча и вечныя казни. Моли благость Его, еже ущедрите град сей, храм сей и всякую страну христианскую. Исходатайствуй у Царя царствующих на враги победу и одоление благочестивому императору нашему, всей же державе его мир, тишину, твердость в вере и преспеяние во благочестии: нам же, чтущим честную память твою, испроси благодатное укрепление на дела благая, да, благоугодное Владыце нашему Христу Богу зде творяще, сподобимся молитвами твоими наследовати царствие небесное, для вечнаго прославления Его со Отцем и Святым Духом. Аминь.


В НАЧАЛО

МОЛИТВА БЛАЖЕННОМУ ВАСИЛИЮ, ХРИСТА РАДИ ЮРОДИВОМУ, МОСКОВСКОМУ ЧУДОТВОРЦУ

   О Великий угодниче Христов, истинный друже и верный рабе Всетворца Господа Бога, преблаженне Василие! Услыши ны, многогрешныя, ныне вопиющия к тебе и призывающия имя твое святое, помилуй ны, припадающия днесь к пречистому образу твоему, приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых врагов и безгрешно преити, и христианскую кончину непостыдну, мирну, безмятежну, и небесна-то царствия наследие получити со всеми святыми во веки веков. Аминь.


В НАЧАЛО

МОЛИТВА СВЯТОМУ БЛАГОВЕРНОМУ
ЦАРЕВИЧУ ДИМИТРИЮ

   О великий и милостивый страстотерпче, царевичу княже Димитрие! Услыши нас грешных, моление со усердием тебе приносящих, и помози нам в жизни сей, от грехов, бед и скорбей избавляя, и в будущем веце буди помощник и заступник, от мучений адовых свобождая и сподобляя купно с тобою покланятися и воспевати Всесвятую Троицу, Отца и Сына и Святаго Духа, ныне и присно и во веки веков.


В НАЧАЛО

МОЛИТВА СВЯТИТЕЛЮ АЛЕКСИЮ, МИТРОПОЛИТУ МОСКОВСКОМУ И ВСЕЯ РОССИИ

   О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие!
   Предстоя у престола всех Царя, и наслаждался света единосущныя Троицы, и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, молися паствы твоея спасти люди, единородный ти язык: благостояние святых церквей утверди: архиереи благолепием святительства украси: монашествующыя к подвигом добраго течения укрепи: царствующий град (сей и святую обитель сию) и вся грады и страны добре сохрани, и веру святую непорочну соблюсти умоли: мир весь предстательством твоим умири, от глада и пагубы избави ны, и от нападения иноплеменных сохрани: старыя утеши, юныя настави, безумныя умудри, вдовицы помилуй, сироты заступи, младенцы возрасти, плененныя возврати, немощствующыя исцели, и везде тепле призывающыя тя и с верою притекающыя к раце честных и многоцелебных мощей твоих, усердно припадающыя и молящыяся тебе, от всяких напастей и бед ходатайством твоим свободи, да зовем ти: радуйся, Богоизбранный пастырю, звездо всесветлая мысленныя тверди, тайнаго Сиона необоримый столпе, миродохновенный цвете райский, всезлатая уста Слова, московская похвало, всея России украшение! Моли о нас всещедраго и человеколюбиваго Христа Бога нашего, да и в день страшного пришествия Его от шуияго стояния избавит нас, и радости святых причастники сотворит со всеми святыми во веки веков.


В НАЧАЛО

МОЛИТВЫ ПРЕД ИКОНОЮ БОЖИЕЙ МАТЕРИ «ВЗЫСКАНИЕ ПОГИБШИХ»

Молитва первая

   О Пресвятая и Преблагословенная Дево, Владычице Богородице, Споручнице грешных и Взыскание погибших! Призри милостивым твоим оком на нас, предстоящих пред святою иконою твоею и со умилением молящихся тебе, воздвигни нас из глубины греховныя, просвети ум наш, омраченный страстьми, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице: ты веси вся немощи и согрешения наша, к тебе прибегаем и вопием: не остави нас твоею небесною помощию, не предстани нам присно, и твоим неизреченным милосердием и щедротами спаси и помилуй нас погибающих. Даруй намы исправление греховныя жизни нашея и избави нас от скорбей, бед и болезней, от напрасныя смерти, ада и вечныя муки. Ты бо, Царице и Владычице, скорая помощница и заступница всем притекающим к тебе, и крепкое прибежище грешников кающихся. Подаждь убо нам, преблагая и всенепорочная Дево, христианский конец живота нашего мирен и непостыден и сподоби нас твоим ходатайством вселитися в обителех небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно и во веки веков. Аминь.

Молитва вторая

   Заступнице усердная благоутробная Господа Мати, к тебе прибегаю аз окаянный и паче всех человек грешнейший: вонми гласу моления моего, и вопль мой и стенание услыши. Яко беззакония моя превзыдоша главу мою, и аз, якоже корабль в пучине, погружаюся в море грехов моих. Но ты, всеблагая и милосердая Владычице, не презри мене отчаяннаго и во гресех погибающаго:
   помилуй мя, кающагося в злых делах моих, и обрати на путь правый заблуждшую окаянную душу мою. На тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом твоим, ныне и присно и во веки веков. Аминь.


В НАЧАЛО

МОЛИТВА ИКОНЕ БОЖИЕЙ МАТЕРИ «СКОРОПОСЛУШНИЦА»

   О Пресвятая Дево, Мати Господа Вышняго, скоропослушная заступнице всех к Тебе с верою прибегающих! Призри с высоты небеснаго величия Твоего на мя непотребнаго, ко святей иконе Твоей припадающа: услыши скоро смиренную молитву мене грешнаго и принеси ю к Сыну своему: умоли Его, да озарит мрачную душу мою светом божественныя благодати Своея и очистит ум мой от помыслов суетных, да успокоит страждующее мое сердце и исцелит раны его, да вразумит мя на добрая дела и укрепит работати Ему со страхом, да простит вся содеянная мною злая, да избавит вечныя муки и не лишит Небеснаго Своего царствия. О преблагословенная Богородице! Ты благоизволила еси нарещися во образе Своем скоропослушница, повелевающи всем притекати к Тебе с верою: не презри убо меня скорбнаго и не попусти погибнути мне в бездне грехов моих. На Тя по Бозе все мое упование и надежда спасения, и Твоему покрову и предстательству поручаю себе во веки. Аминь.


ОБ ИСЦЕЛЕНИИ БОЛЕЗНИ ОЧНЫЯ (ГЛАЗ)

В НАЧАЛО

МОЛИТВА СВ. МУЧЕНИКУ МИНЕ ЕГИПЕТСКОМУ

   О страстотерпче святый мучениче Мино! Взирающе на икону и поминающе цельбы, тобою подаваемы всем, с верою и благоговеинством к тебе притекающым, припадаем ти и, приклонши колена сердце наших, от всея души нашея молим тя, буди нам ходатай пред Господом и Спасом нашим Иисусом Христом о немощех наших, сопутствуй и утешай нас во время скорбей наших, даруя нам память о гресех наших, помогай в напастех и треволнениях мира сего, и во всех бедах, в сей юдоли плачевней нас постигающих.


В НАЧАЛО

МОЛИТВА ПРАВЕДНОМУ СИМЕОНУ ВЕРХОТУРСКОМУ

   О святый и праведный Симеоне, чистою душею твоею в небесных обителех в лице святых водворяяйся, на земли же телом твоим нетленно почиваяй, по данной ти благодати от Господа молитися о нас, милостивно призри на нас многогрешных, аще и недостойне, обаче с верою и упованием ко святым и цельбоносным мощем твоим притекающих, и испроси нам от Бога прощение согрешений наших, в няже впадаем множицею во вся дни жития нашего: и якоже прежде овым убо от очныя зельныя болезни мало зрети могущым исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси: сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарное восхваляюще тя, прославим Бога, дивнаго во святых Своих, Отца и Сына и Святаго Духа, ныне и присно и во веки веков.


В НАЧАЛО

МОЛИТВА СВЯТИТЕЛЮ НИКИТЕ, ЕПИСКОПУ НОВГОРОДСКОМУ

   О архиерею Божий, святителю Никито! Услыши нас грешных, днесь во священный храм сей стекшихся, и честному образу твоему покланяющихся, и ко священней твоей раце припадающих, и умиленно вопиющих: якоже седя на престоле святительства в великом Новеграде сем, и единою належащу бездождию, дождь молитвою свел еси, и паки граду сему огненным пламенем обдержиму, молитвою избаву подал еси, тако и ныне молим тя, о святителю Христов Никито: молися ко Господу, еже избавити царствующыя грады, великий Новград (сей) и вся грады и страны христианския от труса, потопа, глада, огня, града, меча и от всех врагов видимых и невидимых, яко да изрядных ради молитв твоих спасаеми, славим Пресвятую Троицу, Отца и Сына и Святаго Духа, и твое милостивное предстательство, ныне и присно и во веки веков.


В НАЧАЛО

МОЛИТВА СВЯТОМУ ВЕЛИКОМУЧЕНИКУ И
ЦЕЛИТЕЛЮ ПАНТЕЛЕИМОНУ

   О святый великомучениче и целителю Пантелеимоне, Бога милостиваго подражателю! Призри благосердием и услыши нас грешных, пред святою твоею иконою усердие молящихся, испроси нам у Господа Бога, Емуже со ангелы предстоиши на небеси, оставление грехов и прегрешений наших: исцели болезни душевныя и телесныя рабов Божиих ныне поминаемых, зде предстоящих и всех христиан православных, ко твоему заступлению притекающих: се бо грех наших ради, люте одержими есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь: даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная, яко да сподобившеся тобою великих и богатых милостей, прославим тя и подателя всех благ, дивнаго во святых Бога нашего, Отца и Сына и Святаго Духа, во веки веков.


ОТ ЗУБНОЙ БОЛИ

В НАЧАЛО

МОЛИТВА СВЯЩЕННОМУЧЕНИКУ АНТИПЕ,
ЕПИСКОПУ ПЕРГАМСКОМУ

   О преславный священномучениче Антипо и скорый помощниче христианом в болезнех! Верую от всея души и помышления, яко дадеся тебе от Господа дар болящыя врачевати и разслабленныя укрепляти: сего ради к тебе, яко благодатному врачу болезней, аз немощный (или, немощная) прибегаю, и твой досточтимый образ со благоговением лобызая (или, лобызающи), молюся: твоим предстательством у Царя небеснаго испроси мне болящему (или, болящей) исцеление от удручающия мя зубныя болезни: аще бо и недостоин (или, недостойна) есм тебе, благостнейшаго отца и приснаго заступника моего: но ты, быв подражатель человеколюбия Божия, сотвори мя достойна (или, достойну) твоего заступления чрез мое обращение от злых дел ко благому житию: уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако, тихое и безмолвное житие пожив (или, поживши) во всяком благочестии и чистоте, сподоблюся со всеми святыми славити всесвятое имя Отца и Сына и Святаго Духа во веки веков.


В НАЧАЛО

МОЛИТВА СВЯТОМУ ИОНУ, МИТРОПОЛИТУ МОСКОВСКОМУ И ВСЕЙ РОССИИ ЧУДОТВОРЦУ

   О пречестная и священная главо и благодати Святого Духа исполненная, Спасово со Отцем обиталище, великий архиерее, теплый наш заступниче, святителю Ионе! Предстоя у престола всех Царя и наслаждаяся света единосущные Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, помази во бранех и покори им ся противныя враги под нозе им, бдагостояние святых церквей утверди архиерее благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани и веру святую непорочну соблюсти умоли, мир весь предстательством твоим умири, от блага и пагубы избави ны и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, пленныя возврати, немоствующыя исцели и везде тепле призывающыя тя и с верою притекающыя к тебе и усердно припадающыя и молящыяся тебе от всяких напастей и бед ходатайством твоим свободи. Моли о нас всещедраго и человеколюбиваго Христа Бога нашего, да и в день страшного пришествия Его от шуияго стояния избавит нас и радости святых причастники сотворит со всеми святыми во веки веков.
   Также молятся Божией Матери пред иконою ее «Взыскание погибших»


ОТ ГОЛОВНОЙ БОЛИ

В НАЧАЛО

МОЛИТВА СВЯТОМУ ИОАННУ ПРЕДТЕЧЕ

   Крестителю Христов, проповедниче покаяния, кающагося не презри мене: но, совокупляяся с вои небесными, молися ко Владыце за мене недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо семь вертеп злых дел, отнюдь не имеяй конца греховному обычаю: пригвожден бо есть ум мой земным вещем. Что сотворю, не вем, и к кому прибегну, да спасена будет душа моя, токмо к тебе, святый Иоанне, благодати тезоимените, яко тя пред Господем, по Богородице, вем больша быти рожденных всех: ты бо сподобился еси коснутися верху Царя Христа, вземлющаго грехи мира, Агнца Божия: Егоже моли за грешную мою душу, да поне отныне, в первый-надесять час, понесу тяготу благую и прииму мзду с последними. Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи: обнови душу мою покаянием, яко вторым крещением, понеже обоего начальник еси: крещением омываяй грех, покаяние же проповедуяй во очищение когождо дел скверных: очисти убо мя грехми оскверненнаго и понуди внити, аможе ничто же скверно входит в царствие небесное. Аминь.


ОТ НЕДУГА РАССЛАБЛЕНИЯ

В НАЧАЛО

МОЛИТВА ПРЕД ИКОНОЮ БОЖИЕЙ МАТЕРИ
«УТОЛИ МОЯ ПЕЧАЛИ»

   Надеждо всех концов земли, пречистая Дево, Госпоже Богородице, утешение мое! Не гнушайся мене грешнаго на твою бо милость уповаю: угаси ми пламень греховный и покаянием ороси изсохшее мое сердце, очисти ум мой от греховных помыслов, приими мольбу, от души и сердца со воздыханием приносимую тебе. Буди о мне ходатаица к Сыну Твоему и Богу, и укроти гнев Его матерними Твоими молитвами: душевныя и телесныя язвы исцели, Госпоже Владычице, утоли болезни души и тела, утиши бурю злых нападений вражеских, отъими бремя грехов моих, и не остави мене до конца погибнути, и печалию сокрушенное сердце мое утеши, да славлю тя до последняго издыхания моего. Аминь.


В НАЧАЛО

МОЛИТВА ПРЕПОДОБНОМУ НИКИТЕ СТОЛПНИКУ, ПЕРЕЯСЛАВСКОМУ ЧУДОТВОРЦУ

   О всечестная главо, преподобие отче преблаженне, Никито преподобномучениче! Не забуди нищих твоих до конца, но поминай нас всегда во святых своих и благоприятных молитвах к Богу и не забуди присещати чад своих. Моли за ны, отче благий и избранниче Христов, яко имеяй дерзновение к небесному Царю, и не премолчи за ны ко Господу, и не презри нас, верою и любовию чтущих тя. Поминай нас недостойных у престола Вседержителева и не престай моляся за нас ко Христу Богу: тебе бо дана бысть благодать молитися за ны. Не мним бо тя мертва суща: аще бо и телом преставился еси от нас, но и по смерти убо жив пребываеши. Не отступай от нас духом, сохраняя и соблюдая нас от стрел вражиих и всякия прелести бесовския, заступниче и молитвенниче наш добрый. Аще бо и мощей твоих рака пред очима нашима видима есть всегда: но святая твоя душа со ангельскими воинствы, со безплотными лики, с небесными силами у престола Вседержителя Бога достойно веселится. Ведуще убо тя воистинну и по смерти жива суща, тебе припадаем и тебе молимся и милися деем, еже молитися о нас всесильному Богу о пользе душ наших, и испроси нам время на покаяние и невозбранно прейти от земли на небо, и горьких мытарств, и воздушных князей, и вечныя муки избавитися нам, и небесному царствию наследником быти со всеми праведными, от века угодившими Ему, Господу нашему Иисусу Христу: Ему же подобает всякая слава, честь и поклонение со безначальным Его Отцем и Святым Духом, ныне и присно и во веки веков. Аминь.


В НАЧАЛО

МОЛИТВА ПРЕПОДОБНОМУ
АЛЕКСАНДРУ СВИРСКОМУ

   О священная главо, ангеле земный и человече небесный, преподобие и богоносне отче наш Алексадре, изрядный угодниче Пресвятыя Троицы, являющий многия милости живущим во святей обители твоей и всем, с верою и любовию притекающим к тебе! Испроси нам вся благопотребная к житию сему временному и нужная к вечному спасению нашему. Пособствуй предстательством твоим, угодниче Божий, благочестивейшему государю нашему, Николаю Александровичу всея России, на враги видимыя и невидимыя, да в мире глубоце пребудет святая православная Церковь Христова и в благостроении зиждется царство его, во всяком благочестии нерушимо. Буди всем нам, чудотворче святый, помощник скорый во всякой скорби и обстоянии. Наипаче же в час кончины нашея явися нам заступник благосердый, да не предани будем на мытарства воздушных власти злобнаго миродержца, но да сподобимся непретковеннаго восхода в царствие небесное. Ей, отче, молитвенниче наш присный! Не посрами упования нашего, не презри смиренныя моления наша, и предстательствуй за нас пред престолом живоначальныя Троицы да сподобимся вкупе с тобою и со всеми святыми мы недостойнии в селениих райских славити величие, благодать и милость единаго в Троице Бога, Отца и Сына и Святаго Духа во веки веков. Аминь.


ОТ РАЗНЫХ НЕДУГОВ И БОЛЕЗНЕЙ

В НАЧАЛО

МОЛИТВА ПРЕД ИКОНОЮ ПРЕСВЯТЫЯ БОГОРОДИЦЫ, ИМЕНУЕМОЮ «ВСЕХ СКОРБЯЩИХ РАДОСТЬ»

   О пресвятая Владычице Богородице, преблагословенная Мати Христа Бога Спасителя нашего, всех скорбящих радосте, больных посещение, немощных покрове и заступнице, вдовиц и сирых покровительнице, матерей печальных всенадежная утешительнице, младенцев немощных крепосте и всем безпомощным всегда готовая помоще и верное прибежище! Тебе, о всемилостивая, дадеся от Всевышняго благодать во еже всех заступати и избавляти от скорби и болезней, зане Сама лютыя скорби и болезни претерпела еси, взирающи на вольное страдание Сына Твоего возлюбленнаго, и Того на кресте распинаема зрящи, егда оружие Симеоном предреченное сердце Твое пройде: темже убо, о Мати чадолюбивая, вонми гласу моления нашего, утеши нас в скорби сущих, яко верная радости ходатаица: предстоящи престолу Пресвятыя Троицы, одесную Сына Твоего, Христа Бога нашего, можеши, аще восхощеши, вся нам полезная испросити: сего ради с верою сердечною и любовию от души припадаем к тебе яко Царице и Владычице, и псаломски вопити тебе дерзаем: слышиши, дщи, и виждь, и приклони ухо Твое, услыши моление наше, и избави нас от обстоящих бед и скорбей: ты бо прошения всех верных, яко скорбящих радость, исполнявши и душам их мир и утешение подавши: се зриши беду нашу и скорбь: яви нам милость Твою, поели утешение уязвленному печалию сердцу нашему, покажи и удиви на нас грешных богатство милосердия Твоего, подаждь нам слезы покаяния ко очищению грехов наших и утолению гнева Божия, да с чистым сердцем, совестию благою и надеждою несумненною прибегаем ко Твоему ходайству и заступлению: приими, всемилостивая наша Владычице Богородице, усердное моление наше Тебе приносимое, и не отрини нас недостойных от Твоего благосердия, но подаждь нам избавление от скорби и болезни, защити нас от всякаго навета вражия и клеветы человеческия, буди нам помощница неотступная во вся дни жизни нашея, яко да под Твоим матерним покровом всегда пребудем цели и сохранени Твоим заступлением и молитвами к Сыну Твоему и Богу Спасителю нашему, Емуже подобает всякая слава, честь и поклонение, со безначальным Его Отцем и Святым Духом, ныне и присно и во веки веков.


В НАЧАЛО

МОЛИТВА ИКОНЕ БОЖИЕЙ МАТЕРИ
«СПОРУЧНИЦА ГРЕШНЫХ»

   Царице моя Преблагая, надежда моя Богородице, прибежище сирых и странных предстательнице, скорбящих радости, обидемых покровительнице! Зриши мою беду, зриши мою скорбь: помози ми яко немощну, направи мя яко странна. Обиду мою веси, разреши ту, якоже волиши: яко не имам иные помощи разве Тебе, ни иные предстательницы, ни благие утешительницы, токмо Тебе, о Богомати, яко да сохраниши мя и покрывши во веки веков.


ОТ РАЗНЫХ БЕД И НАПАСТЕЙ

В НАЧАЛО

МОЛИТВА СВЯТИТЕЛЮ НИКОЛАЮ,
АРХИЕПИСКОПУ МИР ЛИКИЙСКИХ

   О добрый наш пастырю и Богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных: потщися, угодниче Божий, не оставити нас в греховнем плену быти, да не будем в радость врагом нашым и не умрем в лукавых деяниих наших: моли о нас недостойных Содеятеля нашего и Владыку, Ему же ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делом нашым и по нечистоте сердец наших, но по Своей благости воздаст нам: на твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол, находящих на нас, и укроти волны страстей и бед, возстающих на нас, да ради святых твоих молитс не обымет нас напасть и не погрязнем в пучине греховней и в тине страстей наших: моли, святителю Христов Николае, Христа Бога нашего, да подаст нам мирное житие и оставление грехов, душам же нашым спасение и велию милость, ныне и присно и во веки веков.


В НАЧАЛО

МОЛИТВА АНГЕЛУ-ХРАНИТЕЛЮ

Молитва первая

   О святый Ангеле, хранителю и покровителю мой благий! С сокрушенным сердцем и болезненною душею предстою ти, моляся: услыши мя, грешнаго раба своего (имя рек), с воплем крепким и плачем горьким вопиющаго: не помяни моих беззаконий и неправд, имиже аз окаянный прогневляю тя по вся дни и часы и мерзостна себе творю пред Создателем нашим Господем: явися мне милосерд и не отлучайся мене сквернаго даже до кончины моея: возбуди мя от сна греховнаго и пособствуй твоими молитвами прочее время живота моего без порока прейти и сотворити плоды достойны покаяния, паче же от смертных падений греховных соблюди мя, да не погибну во отчаянии, и да не порадуется враг о погибели моей. Вем воистинну и усты исповедую, яко никтоже таков друг и предстатель, защититель и поборник, якоже ты, святый Ангеле: предстоя бо престолу Господню, молишися о мне непотребнем и паче всех грешнейшем, да не изимет Преблагий души моея в день нечаяния моего и в день творения злобы. Не престай убо умилостивляя премилосердаго Господа и Бога моего, да отпустит согрешения моя, яже сотворих во всем житии моем, делом, словом и всеми моими чувствы, и имиже весть судьбами да спасет мя: да накажет мя зде по Своей неизреченной милости, но да не обличит и не истяжет мя онамо по Своему нелицеприятному правосудию: да сподобит мя покаяние принести, с покаянием же Божественное причащение достойно прияти, о сем паче молю и таковаго дара всеусердно желаю. В страшный же час смерти неотступен буди ми, благий хранителю мой, прогоняя мрачныя демоны, имущия устрашити притрепетную душу мою: защити мя от тех ловления, егда имам преходити воздушная мытарства, да храним тобою, безбедно достигну рая ми вожделеннаго, идеже лицы святых и горних сил непрестанно восхваляют всечестное и великолепое имя в Троице славимаго Бога, Отца и Сына и Святаго Духа, Емуже подобает честь и поклонение во веки веков. Аминь.

Молитва вторая

   Святый Ангеле, предстояй окаянней моей души и страстней моей жизни, не остави мене грешнаго, ниже отступи от мене за невоздержание мое, не даждь место лукавому демону обладати мною насильством смертнаго сего телесе: укрепи бедствующую и худую мою руку и настави мя на путь спасения. Ей, святый Ангеле Божий, хранителю и покровителю окаянныя моея души и тела, вся мне прости, еликими тя оскорбих во вся дни живота моего и аще что согреших в прешедшую нощь сию, покрый мя в настоящий день, и сохрани мя от всякаго искушения противнаго, да ни в коем гресе прогневаю Бога: и молися за мя ко Господу, да утвердит мя в страсе Своем, и достойна покажет мя раба Своея благости. Аминь.


О СОХРАНЕНИИ ОТ ВНЕЗАПНОЙ ИЛИ СКОРОПОСТИЖНОЙ СМЕРТИ

В НАЧАЛО

МОЛИТВА СВЯТЕЙ ВЕЛИКОМУЧЕНИЦЕ ВАРВАРЕ

   Святая славная и всехвальная великомученице Христова Варваро! Собраннии днесь во храме твоем божественном (или: пред честным образом твоим) людие, рапе мощей твоих покланяющеся (или: и тебе почитающия) и любовию целующе, страдания твоя мученическая и в них Самаго страстоположника Христа, похвалами ублажаем, и тебе, известная желания нашего ходатаице, молим: моли с нами и о нас умоляемаго от Своего милосердия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, христианскую же кончину жития нашего безболезненну, непостыдну, миру и божественных тайн причастну да дарует, и всем на всяком месте, во всякой скорби и обстоянии, требующим Его человеколюбия и помощи, великую Свою подаст милость, да благодатию Божию и твоим теплым предстательством, душею и телом всегда здрави пребывающе, славим дивнаго во святых Своих Бога исраилева, не удаляющаго помощи Своея от нас, всегда, ныне и присно и во веки веков.


В НАЧАЛО

МОЛИТВА СВ. СВЯЩЕННОМУЧЕНИКУ САДОКУ, ЕПИСКОПУ ПЕРСИДСКОМУ

   О страстотерпче святый мучениче Садоке! Взирающе на икону твою и поминающе цельбы, тобою подаваемы всем, с верою и благоговеинством к тебе притекающим, припадаем ти и, приклонше колена сердец наших, от всея души нашея молим тя, буди нам ходатай пред Господем и Спасом нашим Иисусом Христом о немощех наших, сопутствуй и утешай нас во время скорбей наших, даруя нам память о гресех наших, помогай в напастех и треволнениях мира сего, и во всех бедах, в сей юдоли плачевней нас постигающих.


ОБ ИСЦЕЛЕНИИ ОТ ПЬЯНСТВА

В НАЧАЛО

МОЛИТВА ПРЕД ИКОНОЮ ПРЕСВЯТЫЯ БОГОРОДИЦЫ, ИМЕНУЕМОЮ «НЕУПИВАЕМАЯ ЧАША»

   О премилосердая Владычице, к Твоему заступлению ныне прибегаем, молений наших не презри, но милостиво услыши нас, же, детей, матерей: и тяжким недугом пианства одержимых, и того ради от матери своея, церкве Христовы и спасения отпадающих, братии и сестер и сродник наших исцели. О милостивая Мати Божия, коснися сердец их и скоро возстави от падений греховных, ко спасительному воздержанию приведи их: умоли Сына Твоего, Христа Бога нашего, да простит нам согрешения наша, и не отвратит милости Своея от людей Своих, но да укрепит нас в трезвении и целомудрии: приими, пресвятая Богородице, молитвы матерей, о чадех своих слезы проливающих, жен, о мужах своих рыдающих, чад, сирых и убогих, заблуждшими оставленных, и всех нас, к иконе Твоей припадающих: и да приидет сей вопль наш, молитвами Твоими, ко престолу Всевышняго: покрой и соблюди нас от лукаваго ловления и всех козней вражиих, в страшный же час исхода нашего помози пройти непреткновенно воздушныя мытарства, молитвами Твоими избави нас вечнаго осуждения, да покрое нас милость Божия в нескончаемыя веки веков, аминь.


В НАЧАЛО

МОЛИТВА СВЯТОМУ МУЧЕНИКУ ВОНИФАТИЮ

   О святый страстотерпче Христов, воине Царя небеснаго, земная сладострастия презревый и к горнему Иерусалиму страданием возшедый, мучениче Вонифатие! Услыши мя грешнаго, приносящаго от сердца молебная пения, и умоли Господа нашего Иисуса Христа простити вся моя согрешения, в ведении и в неведении мною содеянная: ей, мучениче Христов, образ покаяния собою показавый грешным! Буди ми на злаго сопротивника диавола твоими молитвами к Богу помощник и заступник: много бо поревахся избегнути сетей его лукавых, но удицею греховною уловлен и крепко влачим от него, не могу избавитися, аще не ты предстанеши ми, во обстояниих горькая терпящему: и колико покушахся покаятися, но ложь пред Богом бых: сего ради к тебе прибегаю и молюся: спаси мя, святче Божий, от всех зол твоим предстательством, благодатию же всесильнаго Бога, в Троице святей славимаго и покланяемаго, Отца и Сына и Святаго Духа, ныне и присно и во веки веков.


В НАЧАЛО

МОЛИТВА СВЯТИТЕЛЮ ВОНИФАТИЮ МИЛОСТИВОМУ

   О всесвятый Вонифатие, милостивый рабе милосерднаго Владыки! Услыши прибегающих к тебе, одержимых пагубным пристрастием к винопитию и, яко в своей земней жизни ты никогда не отказывал в помощи просящим тебе, тако и ныне избави сих несчастных (имена) : некогда, Богомудре отче, град побил твой виноградник, ты же, воздав благодарение Богу, велел немногие сохранившиеся грозды положити в точило и позвати нищих, затем, взяв новое вино, ты разлил его по каплям во вся сосуды, бывшие в епископии, и Бог, исполняющий молитву милостивых, совершил преславное чудо: вино в точиле умножилося и нищие наполнили сосуды своя: о, святителю Божий! Како по молитве твоей умножилося вино для нужд церкви и для пользы бедных и убогих, тако ты, блаженно уменьши его ныне тамо, где оно приносит вред, избави от пристрастия к нему предающихся постыдной страсти винопития (имена), исцели их от тяжкаго недуга, свободи от бесовскаго искушения, утверди их, слабых, дай им, немощным, крепость и силу благоуспешно перенести сие искушение, возврати их к здравой, трезвой жизни, направи их на путь труда, вложи в них стремление к трезвости и духовней бодрости, помози им, угодниче Божий Вонифатие, когда жажда вина станет жечь их гортань, уничтожи их пагубное желание, освежи их уста небесною прохладою, просвети их очи, постави их ноги на скале веры и надежды, дабы, оставив свое душевное пристрастие, влекущее за собою отлучение от небеснаго царства, они утвердилися во благочестии, удостоилися непостыдной мирной кончины и в вечном свете безконечнаго царства славы достойно прославляли Господа нашего Иисуса Христа со безначальным Его Отцем и с пресвятым и животворящим Духом во веки веков, аминь.


В НАЧАЛО

МОЛИТВА ПРАВЕДНАГО ИОАННА КРОНШТАДТСКАГО

   Господи, призри милостиво на раба Твоего (имя рек), прелыщеннаго лестию чрева и плотскаго веселия: даруй ему (имя рек) познати сладость воздержания в посте, и проистекающих от него плодов. Аминь.


В НАЧАЛО

МОЛИТВА ПРЕП. МОИСЕЮ МУРИНУ

   О священная главо, преподобие отче, преблаженне авво Моисее! Не забуде убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуде посещати чад твоих. Моли за ны, отче священный, за дети твоя духовныя, яко имеяй дерзновение к небесному Царю: не промолчи за ны ко Господу и не презри нас, верою и любовию чтущих тя. Поминай нас недостойных у престола Вседержителева и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражьих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится. Ведуще убо тя в истину и по смерти жива суща, тебе припадаем и тебе молимся: молися о нас всесильному Богу, о пользе душ наших, и испроси нам время на покаяние, да не возбрано прейдем от земли на небо, от мытарств же горьких, бесов воздушных князей и от вечныя муки да избавимся, и небеснаго царствия наследницы да будем со всеми праведными, от века угодившими Господу нашему Иисусу Христу. Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно и во веки веков.


О МЛАДЕНЦЕ НЕСПЯЩЕМ

В НАЧАЛО

МОЛИТВА СВЯТЫМ СЕДМИ ОТРОКАМ, ИЖЕ ВО ЕФЕСЕ: МАКСИМИЛИАНУ, ИАМВЛИХУ, МАРТИНИАНУ, ИОАННУ, ДИОНИСИЮ, ЕКСАКУСТОДИАНУ И АНТОНИНУ

   О пречуднии святии седмочисленнии отроцы Ефеса, града похвале и всея вселенныя упование! Воззрите с высоты небесныя славы на нас, любовию память вашу чтущих, наипаче же на младенцы христианския, вашему заступлению от родителей своих препорученныя: низведите на ня благословение Христа Бога, рекшаго: оставите детей, приходити ко Мне: болящыя убо в них исцелите, скорбящыя утешите: сердца их в чистоте соблюдите, кротостию исполните я, и в земли сердце их зерно исповедания Божия насадите и укрепите, во еже от силы в силу им возрастати: и всех нас, святей иконе вашей предстоящих, мощи же вашя с верою лобызающих и тепле вам молящихся, сподобите царствие небесное улучити, и немолчными гласы радования тамо прославляти великолепое имя Пресвятыя Троицы, Отца и Сына и Святаго Духа во веки веков. Аминь.


ОТ РАЗНЫХ ДЕТСКИХ БОЛЕЗНЕЙ

В НАЧАЛО

МОЛИТВА СВЯТИТЕЛЮ ИУЛИАНУ КЕНОМАНИЙСКОМУ

   Святителю отче Иулиание, нетлением честных мощей твоих и многими благодеяниями, чудесно содеянными и содеваемыми тобою с верою к тебе притекающим, уверившеся, яко имаши велию благодать у Господа Бога нашего, всесмиренно припадаем вси и молимся тебе: моли о нас Христа Бога нашего, да ниспослет всем, чтущим святую память тебе и усердно к тебе прибегающим, богатыя милости Своя: да утвердит во святей Своей православной Церкви живый дух правыя веры и благочестия, дух ведения и любве, дух мира и радости о Духе Святе, да вси члены ея, чисты от мирских искушений и плотских похотей и злаго действия злых духов, духом и истиною поклоняются Ему и усердно пекутся о соблюдении заповедей Его ко спасению душ своих. Пастырем ея да даст святую ревность попечения о спасении людей, им ввереных, да неверующих просветят, неведущих наставят, сомневающихся вразумят и удостоверят, отпадших от православныя Церкве обратят в святыя недра ея, верующих соблюдут в вере, грешных подвигнут к покаянию, кающихся утешат и укрепят в исправлении жизни, раскаявшихся и исправившихся утвердят в святости жизни: и тако всех введут указанным от Него путем в уготованное вечное царство святых Его. Ей святителю Божий, да устроиши молитвами твоими вся благая душам и телесам нашим: да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков. Аминь.


В НАЧАЛО

МОЛИТВА СВ. ВЕЛИКОМУЧЕНИЦЕ ПАРАСКЕВЕ

Молитва первая

   Святая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя славы, Христа Спасителя, и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею Ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты именем Господа нашего Иисуса Христа и силою молитвы твоея в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесно возженным чрез Ангела Божия, попаливши неистовых беззаконников, много народ привела еси к познанию истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, восшедши душею твоею на небеса в чертог возделеннаго твоего жениха Христа, Царя славы, радостно сретшаго тя сим небесным гласом: «Радуйтеся, праведнии, яко мученица Параскева увенчася!». Темже и мы, днесь сошедшеся в храм, посвященный имени твоему святому, приветствуем тя, многострадальная, и взирающе на святую твою икону, со умилением вопием ти, всечестная Параскево: вемы, яко велие имаши дерзновение ко Господу, умоли убо Его Человеколюбца и о нас предстоящих и молящихся ти, да подаст Он и нам, якоже тебе, терпение и благодушие в бедах и скорбных обстояниих. Возлюбленному же нашему отечеству да нисполшлет святое Свое благословение и мир, и всем православным христианом да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели: да очистит нас грешных от всякия скверны и порока: да оградит нас святыми Своими Ангелами, да заступит, сохранит и помилует всех святою Своею благодатия и соделает наследниками и причастниками небеснаго Своего царствия. И тако улучивше спасение твоими святыми молитвами, предстательством и заступлением, всеславная невесто Христова Параскево, прославим вси пресвятое и великолепое имя дивнаго во святых Своих истиннаго Бога, Отца, Сына и Святаго Духа, всегда, ныне и присно и во веки веков. Аминь.

Молитва вторая

   О святая и преблаженная мученице Христова Параскево, красото девическая, мучеников похвало, чистоты образе, великодушных зерцало, премудрых удивление, веры христианския хранительнице идольския льсти обличительнице, евангелия Божественнаго поборнице, заповедей Господних ревнительнице, сподобльшаяся прийти ко пристанищу вечнаго покоя и в чертозе Жениха твоего Христа Бога светло веселящаяся, сугубым венцем девства и мученичества украшенная! Молим тя, святая мученице: буди о нас печальница ко Христу Богу, Егоже преблаженнейшим зрением присно веселишися: моли Всемилостиваго, Иже словом очи слепым отверзе, да избавит нас от болезни очес наших, телесных вкупе и душевных, разжени твоими святыми молитвами мрак прибывший от грехов наших, испроси у Бога светов свет благодати душевным и телесным очесем нашим, просвети нас, омраченных грехми, светом Божия благодати, да твоих ради святых молитв дастся безочесным сладкое зрение. О великая угоднице Божия! О мужественнейшая дево! О крепкая мученице святая Параскево! Святыми твоими молитвами буди нам грешным помощница, ходатайствуй и молися о окаянных и зело нерадивых грешницех, ускори на помощь нам, ибо зело немощни есмы. Моли Господа, чистая девице, моли Милосердаго, святая мученице, моли Жениха твоего, непорочная Христова невесто, да твоими молитвами пособствовани, мрака же греховнаго избывше, во свете истинныя веры и деяний божественных внидем во свет вечный дне невечерняго, во град веселия приснаго, в немже ты ныне светло блистаеши славою и веселием безконечным, славословящи и воспевающи со всеми небесными силами трисиятельное единое божество, Отца и Сына и Святаго Духа, ныне и присно и во веки веков.


В НАЧАЛО

МОЛИТВА СВ. ПРАВЕДНОМУ СИМЕОНУ БОГОПРИИМЦУ

   О великий угодниче Божий и богоприимче Симеоне! Призри на мя грешнаго, ко святей иконе твоей припадающа и просяща твоего заступления и помощи. Скорбь бо обдержит мя от обстоящих мя ныне бед и зол, и утешения не имам многоболезненней души моей. Исках бо помощи от человек и не обретеся. Вопиях ко Господу, и не услыша мя, зане прогневах пречистую благость Его беззакоными моими, ни множеством многих грехов моих преогорчих человеколюбною утробу Его. И кто ми ныне помощь явит, кто ми скорбь утолит, кто даст отраду и успокоение многомятежней души моей. К тебе, великий угодниче Божий, прибегаем грешный и недостойный аз, ведый, яко велие дерзновение имаши ко Христу Богу и многомощен предстатель еси о всех, с верою к тебе прибегающих и твоего заступления и помощи требующих. Моли убо человеколюбца Господа, яко да простив ми безчисленная моя прегрешения, не отвратит милость Свою от мене, но яко благо и сострадателен, явит и мне безконечное Свое милосердие, и в лютем напастей и бед моих озлоблении подаст ми всесильную помощь Свою, и преогорченней души моей ослабу, мир, укрепление, утешение и успокоение дарует. Ей, великий угодниче Божий! Вознеси богоноснии руце твои ко иже на объятиих твоих носитися извольшему Христу Богу нашему, и моли благость Его, да не отринет моления сердца моего, недостоинства ради моего, но да явит мне благовремение милость свою, во славу безконечных щедрот Своих и многомощнаго предстательства твоего, о нем же подобает Ему всякая слава и благодарение, купно со Отцем и Пресвятым Его Духом, ныне и присно и во веки веков.


ОТ ЛИХОРАДКИ И ГОРЯЧКИ

В НАЧАЛО

МОЛИТВА ПРЕПОДОБНОМУ МАРОНУ ПУСТЫННИКУ

   О возлюбленная и священна главо, преподобие и Богоносне отче наш Мароне! Назирай свыше милостивно нас грешных, и молися всещедрому Владыце и все благ подателю Богу о соблюдении державы и спасении во Господе нашем Иисусе Христе: буди же молебник и о нас недостойных, ко всеблагому Господу честнии твои руце простри, и от Него милость и щедроты испроси, имиже от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас, и от нападения бесов, от видимых и невидимых врагов соблюди, и согрешением нашым прощение испроси, и спасены Христу нас представи, во еже в день страшнаго суда с радостию предстати нам пред лицем неизреченныя славы его, и милостивное призвание в царство небесное от Него услышати, и в неизреченней радости преславную Его лица доброту узрети, благодатию и человеколюбием Господа Бога и Спаса нашего Иисуса Христа: яко держава его благословена и препрославлена, со безначальным Его Отцем и с пресвятым и благим и животворящим Его Духом, ныне и присно и во веки веков.


В НАЧАЛО

МОЛИТВА ПРЕПОДОБНОМУ ВАСИЛИЮ НОВОМУ

   О священная главо, преподобне отче, преблаженне авво Василие! Не забуде убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуде посещати чад твоих. Моли за ны, отче священный, за дети твоя духовныя, яко имеяй дерзновение к небесному Царю: не премолчи за ны ко Господу, и не презри нас верою и любовию чтущих тя. Поминай нас недостойных у престола Вседержителева, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражьих и всякия прелеси бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится. Ведуще убо тя в истину и по смерти жива суща, тебе припадаем и тебе молимся: молися о нас всесильному Богу, о пользе душ наших, и испроси нам время на покаяние, да не возбрано прейдем от земли на небо, от мытарств же горьких, бесов воздушных князей и от вечныя муки да избавимся, и небеснаго царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его духом, ныне и присно и во веки веков.


ОБ ИСЦЕЛЕНИИ ОТ ГРЫЖИ

В НАЧАЛО

МОЛИТВА СВ. ПРАВЕДНОМУ
АРТЕМИЮ ВЕРКОЛЬСКОМУ

   Святый угодниче Божий, Артемий праведный хранителю присный святыя обители, твоим именем украшенныя, и всея северныя страны пред Богом заступниче! Призри милостивно на усердную молитву нас грешных, и твоим благомощным предстальством прощение согрешений наших у Господа испроси, преспеяние же в вере и благочестии, и от козней диавольских ограждений исходатайствуй нам. Наипаче же моли Господа, да во здравии и непременяемем благополучие сохранить православный народ наш, да подаст же и всем людем, державе нашей мир, тишину и нелицемерное послушание, да сподобит всех нас по христианстей кончине небесное царствие получити, идеже вси праведнии купно с тобою славят Отца и Сына и Святаго Духа во веки веков.


ОТ БОЛЕЙ В ПОЯСНИЦЕ

В НАЧАЛО

МОЛИТВА ПРЕПОДОБНОМУ СЕРАФИМУ,
САРОВСКОМУ ЧУДОТВОРЦУ

   О пречудный отче Серафиме, великий Саровский чудотворче, всем прибегающим к тебе скоропослушный помощниче! Во дни земнаго жития твоего никтоже от тебе тощ и неутешен отъиде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания, обилен в тебе явися. Егда же призва тя Бог от земных трудов к небесному успокоению, николиже любовь твоя преста от нас, и невозможно есть исчислити чудеса твоя умножавшаяся, яко звезды небесныя: се бо по всем концем земли нашея людем Божий, дерзновенный к Нему молитвенниче, николиже призывающая тя отреваяй, вознеси о нас благомощную твою молитву ко Господу сил, да укрепит державу благовернаго царя нашего, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию научит нас, во еже безпреткновенно внити нам в вечное небесное царство, идеже ты ныне в незаходимей сияеши славе, и тамо воспевати со всеми святыми живоначальную Троицу до скончания века. Аминь.


В СКОРБЯХ И НАПАСТЯХ

В НАЧАЛО

МОЛИТВА СВЯТОМУ АРХАНГЕЛУ МИХАИЛУ

   О святый Михаиле архангеле, светлообразный и грозный небеснаго Царя воеводо, прежде страшнаго суда ослаби ми покаятися от грехов моих, от сети ловящих избави душу мою и приведи ю к сотворшему ю Богу, седящему на херувимех, и молися о ней прилежно, да твоим ходатайством послет ю в место покойное: о грозный воеводо небесных сил, предстателю всех у престола Владыки Христа, хранителю твердый всем человеком и мудрый оружниче, крепкий воеводо небеснаго Царя, помилуй мя грешнаго, требующаго твоего заступления, сохрани мя от всех видимых и невидимых враг, паче же подкрепи от ужаса смертнаго и от смущения диавольскаго, и сподоби мя непостыдно предстати Создателю нашему в час страшнаго и праведнаго суда Его. О всесвятый великий Михаиле архистратиже, не презри мене грешнаго, молящагося тебе о помощи и заступлении твоем в веце сем и в будущем, но сподоби мя тамо купно с тобою славити Отца и Сына и Святаго Духа во веки веков.


В НАЧАЛО

МОЛИТВА СВЯТОМУ ВЕЛИКОМУЧЕНИКУ
ГЕОРГИЮ ПОБЕДОНОСЦУ

   Святый, славный и всехвальный великомучениче Христов Георгие! Собраннии во храме твоем и пред иконою твоею святою покланяющиися людие молим тя, известный желания нашего ходатаю: моли с нами и о нас умоляемаго от Своего благосердия Бога, да милостивно услышит нас просящих Его благостыню, и не оставит вся наша ко спасению и житию нуждная прошения, и да укрепит же данною тебе благодатию во бранех православное воинство, и силы возстающих враг наших да низложит, да постыдятся и посрамятся, и дерзость их да сокрушится, и да уведят, яко мы имамы божественную помощь: и всем в скорби и обстоянии сущым многомощное яви твое заступление: умоли Господа Бога, всея твари Создателя, избавити нас от вечнаго мучения, да всегда прославляем Отца и Сына и Святаго Духа, и твое исповедуем предстательство, ныне и присно и во веки веков.


ОБ ИСЦЕЛЕНИИ БОЛЕЗНИ ГОРЛА

В НАЧАЛО

МОЛИТВА СВЯТОМУ СВЯЩЕННОМУЧЕНИКУ ВЛАСИЮ, ЕПИСКОПУ СЕВАСТИЙСКОМУ

   Преблаженне и приснопамятне священномучениче Власие, дивный страдальче и предстателю наш теплый, по отшествии твоем в жизнь вечную призывающим твое святое имя пособствовати и во всяких прошениих услышанным быти обещавый! Се ныне к тебе, угоднику Божию, яко ко истинному ходатаю спасения, притекаем и смиренно молимся: предстани нам в помощь, узами грехов связанным, подвигнися на всемощныя твоя к Богу молитвы и помолися о нас грешных: тя бо, недостойнии, призывати на заступление дерзаем, и желаем от всех грехов наших тобою свобождение получити. О святче Божий Власие! В сокрушении и смирении сердца нашего пред тобою припадаем и молимся: осияй нас, омраченных наветы вражиими, светом благодати свыше, да в нем ходяще, не преткнем о камень ног наших. Тя, яко сосуд в честь избранных и исполненный благодати Божия, молим: сподоби нас грешных от исполнения твоего желаемое прияти, и исцели наша душевныя и телесныя язвы, грехом же нашим прощение и душевному и телесному нашему здравию и спасению полезное у Господа испроси, да всегда прославляем Отца и Сына и Святаго Духа, и твое милостивное предстательство о душах и телесех наших, ныне и присно и во веки веков.


ОБ ИСЦЕЛЕНИИ ОТ ВОДЯНКИ

В НАЧАЛО

МОЛИТВА ПРЕП. ИПАТИЮ, ИГУМЕНУ РУФИАНСКОМУ

   О священная главо, преподобие отче, преблаженне авво Ипатие! Не забуде убогих твоих до конца, но поминай нас всегда во святых твоих и благопрятных молитвах к Богу. Помяни стадо твое, еже сам упасл еси, и не забуде посещати чад твоих. Моли за ны, отче священный, за дети твоя духовныя, яко имеяй дерзновение к небесному Царю: не премолчи за ны ко Господу, и не презри нас, верою и любовию чтущих тя. Поминай нас недостойных у престола Вседержителева, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражьих и всякие прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится. Ведуще убо тя в истину и по смерти жива суща, тебе припадаем и тебе молимся: молися о нас всесильному Богу, о пользе душ наших, и испроси нам время на покаяние, да не возбрано прейдем от земли на небо, от мытарств же горьких, бесов воздушных князей и от вечныя муки да избавимся, и небеснаго царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем и с Пресвятым и Благим и Животворящим Его духом, ныне и присно и во веки веков.


В ОТЧАЯНИИ

В НАЧАЛО

МОЛИТВА ПРЕПОДОБНОМУ СИЛУАНУ АФОНСКОМУ

   О предивный угодниче Божий отче Силуане! По благодати, тебе от Бога данной, слезно молитися о всей вселенной - мертвых, живых и грядущих - промолчи за нас ко Господу, к тебе усердно припадающих и твоего предстательства умильно просящих (имена). Подвигни, о всеблаженне, на молитву Усердную Заступницу рода христианскаго, Преблагословенную Богородицу и Приснодеву Марию, чудно призвавшую тя быти верным делателем в Ея земном вертограде, идеже избранницы Божии о гресех наших милостива и долготерпелива быти Бога умоляют, во еже не помянути неправд и беззаконий наших, но по неизреченной благости Господа нашего Иисуса Христа ущедрити и спасти нас по велицей Его милости.
   Ей, угодниче Божий, с Преблагословенною Владычицею мира - Святейшею Игумению Афона и святыми подвижниками Ея земнаго жребия испроси у святых Святейшего Слова Святей Горе Афонской и боголюбивым пустынножителям ея от всех бед и наветов вражиих в мире сохранитися. Да Ангелы святыми от зол избавляеми и Духом Святым в вере и братолюбии укрепляеми, до скончания века о Единей, Святей, Соборней и Апостольстей Церкви молитвы творят и всем спасительный путь указуют, да Церковь Земная и Небесная непрестанно славословит Творца и Отца Светов, просвещающи и освещающи мир в вечной правде и благости Божией.
   Народом земли всей испроси благоденственное и мирное житие, дух смиренномудрия и братолюбия, добронравия и спасения, дух страха Божия. Да не злоба и беззаконие ожесточают сердца людския, могущие истребити любовь Божию в человецех и низвергнуть их в богопротивную вражду и братоубийство, но в силе Божественныя любве и правды, якоже на небеси и на земли да святится имя Божие, да будет воля Его святая в человецех, и да воцарится мир и Царствие Божие на земли.
   Такоже и земному Отечеству твоему - Земли Российстей испроси, угодниче Божий, вожделенный мир и небесное благословение, во еже всемощным омофором Матере Божия покрываему, избавитися ему от глада, губительства, труса, огня, меча, нашествия иноплеменников и междоусобныя брани и от всех враг видимых и невидимых, и тако святейшим домом Преблагословенныя Богородицы до скончания века ему пребыти Креста Животворящаго силою и в любви Божией неоскудеваему утвердитися.
   Нам же всем, во тьму грехов погружаемым и покаяния тепла, ниже страха Божия не имущим и сице безмерно любящаго нас Господа непрестанно оскорбляющим, испроси, о всеблаженне, у Всещедраго Бога нашего, да Своею Всесильною благодатию божественне посетит и оживотворит души наша, и всяку злобу и гордость житейскую, уныние и нерадение в сердцах наших да упразднит.
   Еще молимся, о еже и нам, благодатию Всесвятаго Духа укрепляемым и любовию Божию согреваемым, в человеколюбии и братолюбии, смиренномудренном сраспинании друг за друга и за всех, в правде Божией утвердитися и в благодатней любви Божией благонравно укрепитися, и сынолюбне Тому приближитися. Да тако, творяще Его всесвятую волю, во всяком благочестии и чистоте временнаго жития путь непостыдно прейдем и со всеми святыми Небеснаго Царствия и Его Агнчаго брака сподобимся.
   Ему же от всех земных и небесных да будет слава, честь и поклонение, со Безначальным Его Отцем, Пресвятым и Благим и Животворящим Его Духом, ныне и присно и во веки веков. Аминь.


реализовано: Михаилом Жемчуговым-Изумрудовым


Выказать ответную благодарность желательно

   на номер 41001147902455 Яndex деньги
   через любой пункт приема (электронных) платежей (которые находятся во многих магазинах, торговых центрах и т.п.),
либо (имея возможность):

ПОМОЧЬ
ЯндексЯндекс. Деньги

   Ну а если же так случилось, что Вы не в состоянии - не переживайте и спокойно принимайте в ДАР!







В НАЧАЛО

ВЫ ТАКЖЕ МОЖЕТЕ ПРОЧИТАТЬ

СТАРИННЫЕ НАРОДНЫЕ РЕЦЕПТЫ
ОТ РАЗЛИЧНЫХ НЕДУГОВ:

   АНГИНА, ДИФТЕРИТ, СКАРЛАТИНА;
   АСТМА;
   БЕССОННИЦА;
   ВОДЯНКА;
   БОЛЕЗНИ ВОЛОС;
   ГЕМОРРОЙ;
   ГОЛОВНАЯ БОЛЬ;
   ЖЕЛУДОЧНО-КИШЕЧНЫЙ ТРАКТ;
   ЗАПОЙ;
   ЗОЛОТУХА;
   ЗУБНЫЕ ПРОБЛЕМЫ;
   ИКОТА;
   ИШИАС;
   КОЖНЫЕ ПРОБЛЕМЫ;
   МАЛОКРОВИЕ;
   МОЧЕПОЛОВАЯ СИСТЕМА;
   НЕВРАЛГИЯ;
   БОЛЕЗНИ НОГТЕЙ;
   ОДЫШКА;
   ОТЕКИ;
   БОЛЕЗНИ ПЕЧЕНИ, ПОЧЕК, ЖЕЛЧНОГО ПУЗЫРЯ;
   ПОДАГРА;
   ПРОСТУДА;
   РАНЫ, УШИБЫ;
   РЕВМАТИЗМ;
   СВИНКА;
   БОЛИ СЕРДЦА, ЛЕГКИХ;
   СУДОРОГИ;
   ТУБЕРКУЛЕЗ;
   БОЛИ В УШАХ.

В НАЧАЛО

ВЫ ТАКЖЕ МОЖЕТЕ ПРОЧИТАТЬ

ЗАГОВОРЫ, ОБЕРЕГИ, ОТВОРОТЫ, НАГОВОРЫ, ЗАКЛИНАНИЯ и др.:

   ОБЕРЕГ ДЛЯ БЕРЕМЕННЫХ
   ЗАГОВОР ОТ ЛИШНЕГО ВЕСА
   ЗАКЛИНАНИЕ НА ВСТРЕЧУ С ЧЕЛОВЕКОМ
   ПРИ СЛАБЫХ НЕРВАХ
   ОТ МУЖИНОЙ ИЗМЕНЫ
   ЗАГОВОР НА ПУП
   ЧТОБ МИЛЫЙ В МИРУ ТОЛЬКО ВАС ЗАМЕЧАЛ
   ЗАКЛИНАНИЕ НА СИЛЬНУЮ ЛЮБОВЬ
   НА ЕДУ И ПИТЬЕ
   СИЛЬНЫЙ ОТВОРОТ
   ЗАГОВОР НА НОГТИ
   НА БАННУЮ ВОДУ
   СИЛЬНАЯ ОТСУХА
   ЗАГОВОР НА РАЗЛУКУ
   БРАК ПРОТИВ ВОЛИ РОДИТЕЛЕЙ
   ЧТОБ ЗАБЫТЬ, РАЗЛЮБИТЬ ЧЕЛОВЕКА
   ЧТОБ БЫСТРЕЕ РАЗЛЮБИТЬ
   ОЧЕНЬ ХОРОШИЙ СПОСОБ ЗАБЫТЬ ЧЕЛОВЕКА
   НА ПРЕДАННУЮ ЛЮБОВЬ
   КАК ПРИНУДИТЬ К ВЕНЦУ
   ЕСЛИ СВЕКРОВЬ НЕ ДАЕТ ЖИТЬ
   ОБЕРЕГ ОТ НЕПРИЯТНОСТЕЙ
   ЗАКЛИНАНИЕ ПРОТИВ 77 ВРАГОВ
   СОХРАННЫЕ СЛОВА В ПУТИ
   КАК НАГНАТЬ ДУРНОЙ СОН
   ЧТОБЫ ВЫКРУТИТЬСЯ ИЗ БЕДЫ
   ЧТОБ ДЕНЬГИ ПРИУМНОЖАЛИСЬ
   ЧТОБЫ НЕ БЫЛО ВАМ ОТКАЗА
   ПРИЗВАНИЕ В ПОМОЩЬ ДУХА СВЯТОГО ПРИ ВАЖНОМ И СЛОЖНОМ ДЕЛЕ
   БЕРЕМЕННОСТЬ
   БРАК
   ИКОТУ НАПУСТИТЬ
   ЛЮБОВЬ ВОЗБУДИТЬ
   ЗАГОВОРИТЬ СЫПЬ
   ЗАГОВОР ДЛЯ СНЯТИЕ ЛИШАЕВ
   ЗАГОВОРИТЬ КРОВОТЕЧЕНИЕ ИЗ РАНЫ
   ЗАГОВОРИТЬ КРОВОТЕЧЕНИЕ ИЗ НОСА
   ИСЦЕЛИТЬ МАТОЧНОЕ КРОВОТЕЧЕНИЕ
   ЗАГОВОРОМ ИСЦЕЛИТЬ ЛЕГОЧНИКА
   ВЫЛЕЧИТЬ ЗАГОВОРОМ ОТ ОДЫШКИ
   ЗАГОВОР ОТ ЧРЕЗМЕРНОЙ ПОЛНОТЫ
   ЗАГОВОР ЧТОБЫ ПОХУДЕТЬ
   ЗАГОВОРОМ УСМИРИТЬ ЛЮТЫЙ ГОЛОД
   ЗАГОВОР НА БОЛЬНЫЕ НОГИ
   ПОДЛЕЧИТЬ ПЕЧЕНЬ ЗАГОВОРОМ
   ЗАГОВОРИТЬ НАРОСТЫ В НОСУ - ПОЛИПЫ
   НАГОВОР ЧТОБЫ ШВЫ ОТ ОПЕРАЦИЙ НЕ РАСХОДИЛИСЬ
   ЧТОБЫ ШВЫ БЫСТРО СРАСТАЛИСЬ для некрещеного человека
   ЗАГОВОРИТЬ БОЛЬНЫЕ ПОЧКИ
   ЗАГОВОР ОТ НАСМОРКА
   ЗАГОВОРИТЬ СИЛЬНУЮ ЛИХОРАДКУ
   ЗАГОВОР ОТ ПРОСТРЕЛА
   ЗАГОВОР ОТ ЖЕСТОКОГО РЕВМАТИЗМА
   ОТ ПРОСТРЕЛОВ УШЕЙ ЗАГОВОР
   ЗАГОВОР ЧТОБЫ ВЕРНУТЬ СЛУХ
   ЗАГОВОР ДЛЯ СНЯТИЯ УСТАЛОСТИ
   ЗАГОВОРИТЬ УКУС КОМАРА, МОШКИ, ПЧЕЛЫ и т.п.
   ЗАГОВОРИТЬ ХРАП ВО СНЕ
   ЗАГОВОР НА ТО, ЧТОБ ЗАНОЗА ВЫШЛА
   ЗАГОВОР ОТ РАСТЯЖЕНИЯ ЖИЛ
   ЗАГОВОР НА ТО, ЧТОБ БЫСТРО СОШЕЛ СИНЯК ИЛИ ШИШКА
   ЗАГОВОРИТЬ УКУС СОБАКИ

В НАЧАЛО


ВСЕ СТАТЬИ


НА ГЛАВНУЮ





Наш надежный помощник в мире отдыха досуга и развлечений. Регулярно обновляемая, актуальная и живая информация. Постоянный прогресс мира удовольствий, от Михаила Жемчугова-Изумрудова




ПРИ ИСПОЛЬЗОВАНИИ ЛЮБОГО ФРАГМЕНТА, ССЫЛКА НА
ПЕРВОИСТОЧНИК, ТО ЕСТЬ НА "http://www.ur911.narod.ru/" ОБЯЗАТЕЛЬНА.

«МИР ТЕСЕН» ГОСПОДА



Copyright ©2007 - 2008

Используются технологии uCoz